في اللحظة دي، مقدرتش أمسك نفسي. حضـ,ـنتها وفضلت أعيط، وجوزي لما عرف اللي حصل، اتعصب جدًا، لكنه حاول يتمالك أعصابه علشان نفكر في التصرف الصح. اتصلت بجوز بنتي وواجهته، وسألته إزاي يمد إيده على مراته بدل ما يحاول يحل المشكلة اللي بينهم.
رد عليا بكل برود إنه سليم، وإن كل اللي عنده شوية توتر ورهبة، وإن الموضوع ممكن يتحل، وإن بنتي هي اللي كبرت الحكاية لما دخلت أهلها في حياتهم الخاصة. قلت له بغضب حتى لو عندك مشكلة يا ابني، إيه اللي يخليك تضـ,ـرب بنتي؟ !
هي طلبت منك تروح لدكتور، مش فضحتك ولا عملتلك حاجة!لكنه فضل مصمم إنها لازم ترجع بيته، وإنه مش هيسمح إن الجوازة تنتهي بسبب موضوع زي ده. وبعدها اتفقنا على قعدة بين العيلتين، يمكن الكلام يهدّي النفوس ونفهم الحقيقة.
لكن يوم القعدة، جوز بنتي قال كلام خلاني أبص لجوزي وأنا مش مصدقة اللي بسمعه، وبنتي أول ما فهمت هو عايز إيه منها، مسكت إيدي بقوة وقالت ليلأ يا ماما... أنا مش هوافق على كده أبدًا!يتبع في الجزء التاني...
اللهم صلِّ على حبيب الله طول الطريق وإحنا رايحين القعدة، كنت بقول لنفسي يمكن لما الناس الكبيرة تتكلم، جوز بنتي يفوق لنفسه، ويعرف إن اللي حصل مش بسيط، وإن الضـ,ـرب مش حل لأي مشكلة مهما كانت.
لكن أول ما دخلنا، حسيت إننا مش رايحين نحل مشكلة بين زوجين، إحنا رايحين نقنع ناس إن بنتي ليها حق في جسمها وحياتها، وإن محدش يقدر يجبرها على حاجة هي مش موافقة عليها. جوزي قعد جنبي، وبنتي كانت ماسكة إيدي، ومش بتبص في عين جوزها من الخوف.
أما هو، فكان قاعد قدامنا، وأمه وخالته جنبه، وكل شوية يقول إنه عايز مراته ترجع وإن الموضوع كله سوء تفاهم. جوزي بدأ الكلام بهدوء وقال له يا ابني، إحنا مش جايين نفضحك ولا نكسرك، وإحنا مش ضدك.
لو عندك مشكلة صحية أو نفسية، ده مش عيب، وكلنا ممكن نحتاج مساعدة في وقت من الأوقات. لكن اللي مش مقبول إنك تضـ,ـرب بنتي لمجرد إنها طلبت منك تساعد نفسك وتساعدها. رد جوز بنتي بسرعة أنا قلتلكم إني سليم، وكل اللي عندي رهبة وخوف، والموضوع هيتحل.
سألته طب ما دام إنت عارف إن عندك رهبة، إيه المانع تروح لدكتور متخصص وتعرف تتعامل معاها إزاي؟سكت لحظة، وبعدين قال إنه مش محتاج دكتور، وإنه عارف نفسه كويس، وإن المشكلة مش مستاهلة كل ده. هنا أمه دخلت في الكلام وقالت يا جماعة، ما تكبروش الموضوع.
دي حاجات بتحصل، والست لازم تصبر على جوزها، ومش كل حاجة نطلع بيها بره البيت. بصيت لها وقلت أنا بنتي صبرت خمس شهور، ومتكلمتش، وكانت بتحاول تحافظ على بيتها. لكن لما طلبت المساعدة، ابنك ضـ,ـربها. هو ده اللي المفروض نسكت عليه؟
ردت بعصبية ما هو اتعصب عشان اتكلمت في حاجة خاصة بيهم!جوزي قاطعها وقال الخصوصية مش معناها إن الواحد يضـ,ـرب مراته أو يمنعها تطلب المساعدة. وإحنا مش جايين نناقش تفاصيل حياتهم الخاصة، إحنا جايين نتكلم عن أمان بنتنا وحقوقها.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.