دخلت أوضتنا، قفلت الباب، وقعدت على طرف السـ,ـرير وهي ماسكة بطنها. قلت لها بهدوء إحنا مش هنرجع هناك تاني. بصتلي، كأنها مش مصدقة وقالت بصوت مكسور دي أمك يا حبيبي رديت وأنا ببص في عينيها وأنتِ مراتي ودي كرامتك ودي أهم.

ساعتها حضـ,ـنتني لأول مرة من ساعة اللي حصل بس الحضن ده كان تقيل مليان وجع سنين مش ليلة واحدة. تاني يوم الصبح أنا مصحيت بدري جداً. لبست، وفتحت اللابتوب وبدأت أعمل شوية تحويلات. مش فلوس لا. قرارات. الشقة اللي ساكنين فيها ساندي وشريف عقد الإيجار اتلغى.

العربية اللي باسم شركتي اتسحبت. الكارت الائتماني اللي أمي كانت بتستخدمه للطوارئ اتوقف. التحويل الشهري اتلغى. كل حاجة كانت ماشية ب حبي رجعتها تبقى اختياري. الساعة 11 تقريباً موبايلي بدأ يرن. ماما سيبت الرنة تعدي. رن تاني وتالت ورابع. وبعدين رسالة إيه اللي أنت عملته ده؟

الأكثر قراءة الان

الكرسي رقم 2A:منذ شهررجعت وأنا ناوي اربي بنتي واعلمها الأدبمنذ شهرمؤا.مرة على المائدةمنذ شهر

! مردتش. بعدها ساندي اتصلت، وصوتها مليان عصبية إنت اتجننت؟! إحنا هنتفضح! الإيجار هيتأخر والعربية اتسحبت! رديت بهدوء غريب حتى عليا خلي اللي يهمك شكلك قدام الناس يساعدك. سكتت ثواني وبعدين قالت بحدة إنت بتعاقبنا عشان كلمة؟! ضحكت ضحكة قصيرة وقلت لا أنا بفكركم إن اللي بتكسروا فيه مش رخيص.

بالليل أمي جت لحد البيت. خبطت بعنف فتحت لها. كانت أول مرة أشوفها بالشكل ده مش متعالية مش قوية مضطربة. قالت وهي بتحاول تمسك نفسها إنت بتعمل كده ليه؟ دي أختك ودي أمك! بصيت لها شوية وافتكرت كل حاجة سنين التعب الشقا الليالي اللي كنت بنام فيها من غير أكل عشان هما ياكلوا.

وقلت بهدوء وأنا مين؟ سكتت. كملت أنا مش بنك ومش خدام أنا ابنك والست اللي إنتي طلبتي منها تاكل في الحمام دي مراتي وأم حفيدك. وشها اتغير لأول مرة تحس إنها غلطت فعلاً. بس أنا كنت خلاص وصلت للنقطة اللي مفيهاش رجوع.

قربت من الباب وفتحته وقلت لما تتعلموا تحترموا إبقوا ارجعوا. غير كده كل واحد يشيل نفسه زي ما أنا شلتكم زمان. قفلت الباب بهدوء. رجعت لمي كانت واقفة في البلكونة، حاطة إيدها على بطنها، وبتبص للشارع. وقفت جنبها وحطيت إيدي فوق إيدها.

وقلت بهمس ابننا عمره ما هيشوف اللي إنتي شوفتيه. ابتسمت ابتسامة صغيرة بس حقيقية لأول مرة من امبارح. بس الحقيقة؟ اللي حصل ده ماكانش نهاية. ده كان بداية حرب هادية بين راجل قرر يحمي بيته وعيلة اتعودت تاخد من غير ما تحاسب.

واللي جاي كان أصعب بكتير الحرب الهادية ما فضلتش هادية كتير. عدّى يومين بس وابتدت الضـ,ـربات. مش تليفونات بقى لا. كلام من ورا ضهري. واحد صاحبي كلّمني وقاللي هو في إيه؟ الناس بتقول إنك قطعت على أمك وأختك عشان مراتك وإنها مسيطرة عليك!